Plantun de Prouvènço

Pèr coumpara dos planto d'encò nostre

Stellaria holostea & Vicia sallei

Grame-flouri

Stellaria holostea

Caryophyllaceae

Autre noum : Esteleto.

Nom en français : Stellaire holostée.

Descripcioun :
Aquesto planto, di proun coumuno en Éuroupo, trachis au nostre subretout dins li bos fres di valado dis Aup marino. Se recounèis à si gròssi flour blanco e à si fueio primo e redo que fan pensan à li di gramenun (grame-flouri).

Usanço :
La planto èro acampado e manjado en ensalado en Bousnìo (F. Couplan, op.cit. p. 156). Chaplado, servié pèr sougna li fleiroun.

Port : Erbo
Taio : 10 à 40 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 1 à 1,5 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mars à juliet

Liò : Bos fres - Baragno - Orle de bos
Estànci : Subremediterran à Mountagnard
Couroulougi : Éurosiberiano
Ref. sc. : Stellaria holostea L., 1753

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).